Jer 34 | Ndebele | STEP | Ilizwi elafika kuJeremiya livela eN kosi ni, lapho uNebhukadinezari inkosi yeBhabhiloni, lebutho lakhe lonke, lemibuso yonke yomhlaba yokubusa kwesandla sakhe, lazo zonke izizwe, babesilwa bemelene leJerusalema bemelene layo yonke imizi yayo, lisithi:

1 Ilizwi elafika kuJeremiya livela eNkosini, lapho uNebhukadinezari inkosi yeBhabhiloni, ^a lebutho lakhe lonke, lemibuso yonke yomhlaba yokubusa kwesandla sakhe, ^b lazo zonke izizwe, babesilwa bemelene leJerusalema bemelene layo yonke imizi yayo, lisithi: 2 Itsho njalo iNkosi, uNkulunkulu kaIsrayeli: Hamba ukhulume kuZedekhiya inkosi yakoJuda ^c uthi kuye: Itsho njalo iNkosi: Khangela, nginikela lumuzi esandleni senkosi yeBhabhiloni, ^d ukuthi iwutshise ngomlilo. ^e 3 Lawe kawuyikuphunyuka esandleni sayo, ^f kodwa uzabanjwa isibili, unikelwe esandleni sayo; ^g lamehlo akho azabona amehlo enkosi yeBhabhiloni, ^h lomlomo wayo uzakhuluma lomlomo wakho; ⁱ njalo uzakuya eBhabhiloni. ^j 4 Kodwa zwana ilizwi leNkosi, Zedekhiya, nkosi yakoJuda: ^k Itsho njalo iNkosi ngawe: Kawuyikufa ngenkemba. 5 Uzakufa ngokuthula, ^l lanjengokubaselwa kwaboyihlo, ^m amakhosi endulo, ayephambi kwakho, ngokunjalo bazakubasela, bakulilele, ⁿ besithi: Maye inkosi! Ngoba mina ngilikhulumile lelolizwi, itsho iNkosi. 6 UJeremiya umprofethi wasewakhuluma wonke lamazwi kuZedekhiya inkosi yakoJuda eJerusalema, 7 lapho ibutho lenkosi yeBhabhiloni lisilwa limelene leJerusalema limelene layo yonke imizi yakoJuda eyayisele, limelene leLakishi ^o limelene leAzeka; ^p ngoba yiyo imizi ebiyelweyo eyayisisele phakathi kwemizi yakoJuda. ^{q
,} ^r

Mayelana lezigqili ezazingakhululwanga

8 Ilizwi elafika kuJeremiya livela eNkosini, emva kokuthi inkosi uZedekhiya esenzile isivumelwano labo bonke abantu ababeseJerusalema ukumemezela inkululeko kubo, ^s 9 ukuthi ngulowo lalowo ayekele isigqili sakhe ^t sihambe sikhululekile, ^u langulowo lalowo isigqilikazi sakhe, umHebheru kumbe umHebherukazi, ukuze kungabi khona umuntu owenza umJuda engumfowabo abe yisigqili. ^v 10 Kwasekulalela zonke iziphathamandla labo bonke abantu ababengene lesosivumelwano sokuthi ngulowo lalowo ayekele isigqili sakhe langulowo lalowo isigqilikazi sakhe sihambe sikhululekile, ^w bangaphindi bazenze zibe yizigqili; basebelalela, baziyekela zahamba. 11 Kodwa emva kwalokho baphenduka, ^x bazibuyisa izigqili lezigqilikazi ababeziyekele zihambe zikhululekile, ^y bazehlisela phansi zaba yizigqili lezigqilikazi.

12 Ngakho ilizwi leNkosi lafika kuJeremiya livela eNkosini, lisithi: ^z 13 Itsho njalo iNkosi, uNkulunkulu kaIsrayeli: Mina ngenza isivumelwano laboyihlo mhla ngibakhupha elizweni leGibhithe, ^aa endlini yobugqili, ngisithi: 14 Ekupheleni ^ab kweminyaka eyisikhombisa lizayekela ahambe, ngulowo lalowo umfowabo umHebheru ^{ac
,} ^ad owayethengiswe kuwe, ^ae esekusebenzele iminyaka eyisithupha, umyekele ahambe ekhululekile esuka kuwe. Kodwa oyihlo kabangilalelanga, ^af kababekanga indlebe yabo. ^ag 15 Lina seliphendukile lamuhla, lenza okulungileyo emehlweni ami, limemezela inkululeko, ngulowo lalowo kumakhelwane wakhe, ^ah lenza isivumelwano phambi kwami endlini ebizwa ngebizo lami. ^ai 16 Kodwa liphendukile, langcolisa ibizo lami, ^aj libuyisa, ngulowo lalowo isigqili sakhe langulowo lalowo isigqilikazi sakhe, ^ak ebeliziyekele zahamba zikhululekile njengokufisa kwazo, ^al lazehlisela phansi, zaba yizigqili lezigqilikazi zenu. 17 Ngakho itsho njalo iNkosi: Lina kalingilalelanga, ukumemezela inkululeko, ^am kube ngulowo lalowo kumfowabo langulowo lalowo kumakhelwane wakhe; khangelani, ngizamemezela kini, ^an itsho iNkosi, inkululeko ^ao enkembeni, ^ap kumatshayabhuqe wesifo, ^aq lendlaleni; ^ar ngilinikele libe yisesabiso ^as kuyo yonke imibuso yomhlaba. ^at 18 Nginikele amadoda aseqileyo isivumelwano sami, angaqinisanga amazwi esivumelwano asenza phambi kwami, ^au lapho adabula ithole kabili, ^av adlula phakathi kweziqa zalo; 19 iziphathamandla zakoJuda, leziphathamandla zeJerusalema, abathenwa, ^aw labapristi, labo bonke abantu belizwe, abadabula phakathi ^ax kweziqa zethole. 20 Yebo, ngizabanikela esandleni sezitha zabo lesandleni salabo abadinga impilo yabo; ^ay lezidumbu zabo zizakuba yikudla kwenyoni zamazulu lenyamazana zomhlaba. ^az 21 LoZedekhiya inkosi yakoJuda leziphathamandla zakhe ngizabanikela esandleni sezitha zabo, lesandleni salabo abadinga impilo yabo, ^ba lesandleni sebutho lenkosi yeBhabhiloni, abenyuke basuka kini. ^bb 22 Khangelani, ngizalaya, ^bc itsho iNkosi, ngibabuyise kulumuzi; ^bd njalo bazakulwa bemelene lawo, ^be bawuthumbe, ^{bf
,} ^bg bawutshise ngomlilo; ^{bh
,} ^bi lemizi yakoJuda ngizayenza ibe lunxiwa ^bj olungelamhlali. ^bk